З 20 па 25 лютага ў Дзяржаўнай установе адукацыі “Дастоеўская сярэдняя школа імя Ф.М. Дастаеўскага” прайшоў Тыдзень беларускай мовы і літаратуры.
Асноўнымі задачамi правядзення Тыдня беларускай мовы і літаратуры з’яўляліся:
- павышэнне цiкавасцi вучняў да прадметаў “Беларуская мова” i “Беларуская лiтаратура”, а таксама беларускай культуры, традыцый;
- папулярызацыя беларускай мовы;
- выхаванне грамадзянскіх і патрыятычных якасцей вучняў праз уключэнне іх у сумесную дзейнасць, накіраваную на ўшанаванне асноў беларускай дзяржаўнасці.
У арганізацыі і правядзенні Тыдня прымалі ўдзел настаўнікі беларускай
мовы і літаратуры, вучні 3-11 класаў.
На працягу Тыдня настаўнікамі беларускай мовы і літаратуры былі праведзены мерапрыемствы: конкурс малюнкаў па матывах беларускіх народных казак, паштоўка-пажаданне беларускай мове, інтэлектуальны турнір “Таямніцы роднай мовы”,конкурс “Знаўцы беларускай мовы”, літаратурна-музычная кампазіцыя “Гучы, мая родная мова!”, караоке “Спяваем па-беларуску”. Таксама вучні ўдзельнічалі ў анлайн-акцыі “Роднаму слову- прызнанне ў каханні”. Вучням была прапанавана прэзентацыя “Беларускія пісьменнікі-юбіляры 2023 года”. На працягу Тыдня вучні стваралі фантан ідэй “Букет любімых слоў”.